Google ADS

Le Pen: Franca po bëhet “mbesa e vogël e Islamit”

22:24 | 22 Shkurt 2018
Trina Galanxhi

Mbesa e kandidatës së dështuar  të ekstremit të djathtë, Marinë Le Pen, në një tubim para konservatorëve amerikanë ka theksuar se “Franca është në rrezik të bëhet ‘mbesa e vogël e Islamit’ për shkak të emigracionit”.

Marion Maréchal-Le Pen, duke debutuar në Konferencën e Veprimit Politik Konservator, preku tema të njejta që gjendeshin në disa nga fjalimet e Presidentit Trump, duke shtuar se ajo e përkrah fuqishëm sloganin “Amerika e Para”, ndërkohë që ka pretenduar se francezët po vuajnë për shkak të Bashkimit Europian, transmeton portali arbresh.info

“Franca nuk është e lirë sot”, tha ajo. “Francezët nuk janë të lirë të zgjedhin politikat e tyre, mbi ekonominë, emigracionin, madje edhe për diplomacinë. Liria jonë është në duart e Bashkimit Europian”.

Le Pen ka sulmuar BE-në duke thënë se “ajo e ka zbehur kulturën franceze, pasi ka lejuar zhvillimin e shoqërisë myslimane në Francë”.

Ndër të tjera ajo ka shtuar se “kjo nuk është Franca për të cilën kanë luftuar gjyshërit tanë”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm